Lihen të lirë dy protestuesit e arrestuar në Durrës. Paraditen e së dielës u zhvillua në gjykatën e Durrësit seanca për vleftësimin dhe caktimin e masës së sigurisë ndaj dy të rinjve që u arrestuan nga policia në ditën e dytë të protestave në Durrës. Gjyqtari i seancës Markeljan Koça vendosi një masë më të butë sigurimi, ''detytim paraqitjeje'' ndaj shtetasve Endri Smeli 21 vjeç dhe Alehandro Basho 33 vjeç. Për protestat që nisën në Durrës që nga e mërkura dhe në vazhdim policia ka proceduar penalisht 76 persona, përfshirë dhe dy personat që sapo u liruan dhe do të hetohen në gjendje të lirë për akuzat e ngritura ndaj tyre.