Pas publikimit në emisionin “Top Story” në Top Channel të fakteve që hedhin dritë mbi gjuetinë e jashtëligjshme të kafshëve dhe dëmet kolosale që po i shkaktohet natyrës, ka reaguar edhe zv. kryeministri Erion Braçe. përmes një statusi në rrjetet sociale Braçe shprehet se gjuetarët e paligjshëm po vrasin jo vetëm faunën e egër por edhe njëri tjetrin. “Vetëm muajt e fundit, prej nëntorit e këtej, ka katër të vrarë në gjueti. Provë e qartë se gjuetia është kaq fakt sa edhe e paligjshme, madje po kthehet në vrasje mes njerëzish që kurrë nuk janë gjuetarë,” shkruan Braçe. Më tej ai ndalet në atë se çfarë ka ndodhur në 7 vite që u vendos moratoriumi për ndalimin e gjuetrisë së paligjshme ku në çdo zonë të vendit srukturat e posacme dhe policia, sidomos në dy vitet e para, bënë të mundur të vendosej një ekuilibër krej tjetër nga shfarosja barbare e gjësë së gjallë. “Por sic faktet deshmojne, respektimi i ligjit ka firot e veta, pasoja gjithashtu, ne pamundesi te qarte per te kontrolluar gjithkend dhe kudo, cep e me cep te vendit! Ndaj duhet nje ekuiliber i ri ne mjedis, ekosistem, faune, mes shtetit, ambjentit, popullatave te faunes se eger, ambjentalisteve e gjuetareve! Ekuiliber i ri me ligj te ri, rregulla te reja te ashpra qe rregullojne gjuetine e vendosin nje ekuiliber te ri qe mbron mjedisin, ndal paligjshmerine e perfshin ne kontroll edhe aktore te tjere, vete Federaten e Gjuetise, ambjentalistet gjithashtu”, thotë më tej brace në postimin e tij. numri dy i qëverisë duke iu referuar investigimit të top story thotë te dy palet, gjuetare historike dhe ambjentaliste ishin ne nje mendje per nje ekuiliber te ri qe i perfshin te gjithe. Braçe thotë se ndërsa afati i moratoriumit përfundon në qershor, duhet vendosur një afat i ri me qëllim që kaosi në fazë të ndërmjetme apo pas tij të zhbëjë çdo arritje të deritanishme.