Pas 6 ditësh në arrati, është vënë në pranga 18 vjecari Horgito Peqini, autori i vrasjes së Madrit Ulqinakut pak ditë më parë në zonën e Elbasan Arena. Policia ka shoqëruar edhe 33 vjecarin Klajdi Shaholli, i cili ka qenë bashkë me Peqinin natën që ndodhi ngjarja e rëndë, për ta shoqëruar këtë të fundit. Policia dhe prokuroria po merren me procedurat përkatëse për marrjen në pytje të 18 vjecarit si dhe lënien e tij pas qelisë, deri në përfundim të hetimeve, ku më pas gjykata do të vendosë për të. Horgito Peqini vrau me armë zjarri Madrit Ulqinakun mbrëmjen e 17 gushtit pranë një lokali në qytetin e Elbasanit. Dy të rinjtë patën një konflikt të paqartë me njëri tjetrit,I cili dyshohet se nisi në rrjetet sociale dhe më pas e kishin lënë të takoheshin, pikërisht në vendin ku ndodhi vrasja. Mesa duket, konfliti nuk u zgjidh dot duke komunikuar, gjë që nxiti 18 vjeacarin Horgitor Peqini të merrte armën dhe të vriste Ulqinakun.