Kryeministri Edi Rama priti në një takim zyrtar homologun holandez Mark Rutte, shteti i të cilit është bërë pengesë disa herë për nisjen e konferencës së parë ndërqeveritare për vendin tonë me Bashkimin Europian. Në një konferencë të përbashkët për shtyp, Rutte u shpreh se Holanda është pro hapjes së konferencës së paraë ndërqeveritare, ndërsa i bëri thirrje Bullgarisë që të mos përdorë veton. "Është e drejtë që për të nisur konferencën e parë ndërqeveritare të ndryshojë qëndrimi i Bullgarisë. Shpresoj që kjo të ndodhë. Do të ishte e drejtë, ju keni bërë kaq shumë përparime. Kemi ndërtuar një miqësi sepse kemi kuptuar që është më mirë të mos zihemi. Shpresojmë që ta zgjidhim çështjen e Bullgarisë. Presim rezultatin e zgjedhjeve të të dielës. Kryeministri Holandez u tha se në 5 vitet e fundit është bërë shumë në luftën kundër krimit të organizuar, ndaj edhe Holanda mori vendimin për t’i thënë po conferences së pare ndërqeveritare, por sipas tij duhet ende shumë për tu bërë në këtë drejtim.