Operacioni policor “Koordinata” vijon në qarkun e Shkodrës, me qëllim parandalimin, evidentimin dhe goditjen e rasteve të kultivimit të bimëve narkotike. Si rezultat i kontrolleve në të gjithë territorin nga toka dhe ajri, shërbimet e Drejtorisë Vendore të Policisë Shkodër dhe komisariateve në varësi të saj kanë zbuluar dhe asgjësuar gjithsej 1408 bimë të dyshuara narkotike cannabis sativa. Në fshatin Gomsiqe të Velipojës, gjatë ndërhyrjes së policisë u kap në flagrancë dhe u arrestua një 34-vjeçar i dyshuar si kultivues i 130 bimëve narkotike, të cilat u asgjësuan me djegie. Ndërsa në njësinë administrative Temal, në Vau i Dejës, u gjetën dhe u asgjësuan 1278 bimë cannabis sativa. Vijon puna për identifikimin dhe arrestimin e autorëve të kultivimit në këtë zonë. Operacioni “Koordinata” vazhdon me intensitet për të siguruar rendin dhe parandalimin e veprimtarive të paligjshme në territorin e qarkut Shkodër.