Top News – Parashikime apokaliptike për luftë / Rusia, 70 për qind të kapacitetit ushtarak në kufi

Rusia mund ta pushtojë Ukrainën brenda disa ditësh ose javësh, por mund të zgjedhë edhe një rrugë diplomatike, tha Këshilltari i Sigurisë Kombëtare të Shtëpisë së Bardhë, Jake Sullivan. “Gjatë ditëve në vazhdim, Rusia mund të ndërmarrë veprime ushtarake kundër Ukrainës, ose pas disa javësh, por Rusia mund të ndjekë edhe rrugën diplomatike”, tha Sullivan gjatë programit televiziv "Fox Neës Sunday".Komentet e Sullivan vijnë pas dy zyrtarë amerikanë thanë se Rusia ka grumbulluar të paktën 70% të forcave të saj ushtarake, që do t’i duheshin në rast se Presidenti rus Vladimir Putin do të urdhëronte një pushtim të plotë të Ukrainës. Zyrtarët që folën në kushte anonimiteti paraqitën një sërë treguesish që sugjerojnë se Putin po synon fillimin e një pushtimi në javët në vazhdim.