Parandalimi i pandemive mund të jetë 100 herë më pak i kushtueshem se sa luftimi i pasojave të tyre. Në këtë përfundim ka dalë një raport i fundit që i bën thirrje njerëzve të ndalin ndërhyrjet në tokat e egra dhe të konsumojnë më pak mish, për të shkëputur kontaktet me kafshët që mbajnë viruse ose baktere që mund të infektojnë njerëzit. Raporti thotë se qeveritë duhet të punojnë së bashku për të evituar pandemitë në të ardhmen dhe duhet të vendosin nën kontroll menjëherë shpërthimet. Raporti paralajmëron se pa një plan global të koordinuar, shumë më tepër njerëz do të humbasin jetën nga pandemi të tjera në të ardhmen, shumë herë më të rrezikshme se covid 19. Raporti është hartuar nga një organizatë e themeluar nga OKB, dhe nënvizon se pandemia aktuale mund ti kushtojë ekonomisë së botës 16 trilionë dollarë deri verën e ardhshme. Por, masat parandaluese, si ndalimi i trafikut të kafshëve të egra, do të kushtonin nga 40 deri në 58 miliardë dollarë në vit, shumë kjo e madhe por vetëm një fraksion i kostos ekonomike të përballimit të pandemive si ajo e covid 19. Sipas autorëve, pandemitë e ardhshme mund të reduktohen me një kombinim koordinimi më të mirë mes vendeve ndërsa rreziqet e pandemive rriten shpejt me më shumë se pesë sëmundje të reja që shfaqen cdo vit.