Mumiet antike të faraonëve mbretërorë të Egjiptit do të dalin nga vendi I tyre këtë fundjavë dhe do të parakalojnë nëpër rrugët e Kajros në kërkim të një shtëpie të re. Ajo që tingëllon si komplot i një filmi është në fakt pjesë e një kremtimi luksoz të historisë së Egjiptit dhe një projekti për të zhvendosur disa nga thesaret e tij më të mëdhenj në një strukturë të re të teknologjisë së lartë. Të Shtunën, mumiet e Ramsesit të Madh dhe 21 faraonëve të tij do të marrin pjesë në atë që do të quhet "Parada e Artë e Faraonit", një ngjarje shumë e pritur e organizuar nga Ministria Egjiptiane e Turizmit dhe Antikiteteve. Është raportuar se festimet do të përfshijnë parakalim me kuaj, dhe kore që këndojnë në gjuhë të lashta megjihëse autoritetet egjiptiane nuk kanë dhënë më shumë detaje. Egjiptianët e ngazëllyer shkrepën fotot e automjeteve për mumjet të bëra me porosi dhe të zbukuruara me motive antike të cilat u shpërndanë me shpejtësi në rrjete sociale. Të 22 mumiet mbretërore i përkasin një epoke ku varret ishin ndërtuar nën tokë me hyrje të fshehura për të shmangur grabitësit e varreve.