Vatikani është përpjekur të sqarojë komentet e Papa Françeskut në mbështetje të bashkimeve civile mes personave të të njëjtit seks, duke thënë se pohimet e Atit të Shenjtë u nxorrën nga konteksti dhe nuk sinjalizojnë një ndryshim të doktrinës. Në një letër të dërguar në 30 tetor nga Sekretariati i Shtetit të Vatikanit përfaqësuesve papnorë nëpër botë, thuhet se dy komentet e bëra nga Papa argjentinas në filmin dokument"Francesku" të regjizorit të lindur në Rusi, Evgeny Afineevsky, nuk janë thënë tamam ashtu. Letra e Vatikanit u botua për herë të parë të djelën, në faqen e Facebook të nuncit apostolik të Selisë së Shenjtë në meksikë, Kryepeshkopit Franco Coppola. Vërtertësinë e saj e ka konfirmuar tashmë për CNN një zyrtar I lartë Vatikanit."Më shumë se një vit më parë, gjatë një interviste, Papa Françesku iu përgjigj dy pyetjeve të ndryshme në dy kohë të ndryshme që, në dokumentarin e lartpërmendur, u redaktuan dhe u botuan si një përgjigje e vetme jo në kontekstin e duhur, cka solli konfuzion”, thuhet në letër. Duke iu referuar komenteve të Papës se “ ai që nevojitet është një legjislacion për bashkimet civile”, sqarohet se Francesku po fliste për kundërshtinë e tij ndaj një ligji mbi martesat mes personave të të njëjtit seks 10 vjet më parë në Argjentinë, kur ishte kryepeshkop i Buenos Ajresit. Ne letër theksohet se Papa ka folur për “ të drejtat e këtyre njerëzve që të kenë një farë mbrojtjeje ligjore”, por jo për martesat brenda të njëjta gjini.