Në mesin e tensioneve për një pushtim të mundshëm të Ukrainës, avionët rusë iu afruan avionëve të patrullimit të marinës amerikane në mënyrë jo profesionale tre herë gjatë këtyre ditëve, e në njërin rast, ata u afruan vetëm një metër e gjysmë larg një bombarduesi amerikan – thanë zyrtarët e pentagonit. Avionët P-8A të prodhuar nga Boeing, janë të projektuar për aksione anti-nëndetëse si edhe për misione inteligjence, survejimi dhe zbulimi, sipas marinës. “Ekuipazhet e avionëve amerikanë po fluturonin në hapësirë ajrore ndërkombëtare mbi detin mesdhe në këtë rast”, tha një zëdhënës i pentagonit. Të gjitha incidentet ndodhën në të njëjtën zonë mbi mesdheun lindor, gjatë disa ditëve – tha një zyrtar amerikan për EBC Neës. Zyrtari tha se nuk është e qartë nëse këto incidente kishin lidhje me stërvitjet masive që marina ruse po zhvillon në këtë zonë. SHBA ka përdorur kanalet diplomatike për të paraqitur shqetësimet e saj tek zyrtarët rusë. “Edhe pse askush nuk është lënduar, ndërveprime të tilla mund të rezultojnë në keqllogaritje dhe gabime që cojnë në rezultate akoma më të rrezikshme”, tha zëdhënësi.