Situata epidemiologjike në vendin tonë dita ditës po vjen duke u qetësuar, ndërsa numri i viktimave pothuajse është zeruar. Këtë të dielë sërish nuk është shënuar asnjë humbje jete nga Covid 19. Ministria e Shëndetësisë ka bërë me dije se në harkun kohorë të 24 orëve të fundit janë regjistruar 37 raste të reja, nga 593 testime të kryera. Tirana vijon të jetë qarku më i infektuar në vend, ku në 24 orët paraprake në kryeqytet raportohet se janë shënuar 18 raste të reja. Në njoftimin zyrtar të ministrisë së shëndetësië, bëhet me dije se 3 raste janë shënuar në Dimal, nga dy raste në Pogradec, Vlorë, Lushnje, Fier, Durrës dhe nga 1 rast në Shkodër, Lezhë, Dibër, Himarë, Gjirokastër, Berat. Aktualisht në spitalin COVID3 po marrin trajtim 7 pacientë. Ndërkohë, gjatë 24 orëve të fundit, janë shëruar 24 qytetarë, duke e çuar numrin e të shëruarve në 270,893 që nga fillimi i epidemisë. 439 qytetarë janë aktivë me covid-19 në të gjithë vendin.