Shqiptarët vijojnë të dynden drejt azileve që ofron Franca dhe vendet e tjera të Bashkimit Europian. Ministria e Brendshme franceze ka njoftuar se Shqipëria renditet ndër vendet me kërkesat më të larta për azil, së bashku me Afganistanin, Bregun e Fildishtë, Bangladeshin, Guinenë dhe Gjeorgjinë. Sipas këtyre të dhënave rezulton se, gjatë vitit 2021 janë paraqitur më shumë se 104 mijë kërkesa, shifër kjo më e lartë krahasuar me vitin 2020. Dosjet në sirtarët e Zyrës Franceze për Mbrojtjen e Refugjatëve dhe Personave Pa Shtetësi dhe Gjykatës Kombëtare për të Drejtën e Azilit, kanë nxjerrë në pah se më shumë se 54 mijë persona kanë marrë mbrojtje nga Franca.