60-vjeçari Begzan Hysa humbi jetën këtë të martë në spital pasi u përplas një ditë më parë nga një automjet. Aksidenti i rëndë ndodhi në rrugën paralel me unazën e madhe të Tiranës, ku 29-vjeçarja Elinta Garo humbi kontrollin mbi automjet duke hipur me trotuar e duke plagosur rëndë Begzan e Valentina Hysën si dhe 27-vjeçaren Alkuna Telhaj. Policia e Tiranës njoftoi zyrtarisht se specialistët e Qarkullimit Rrugor arrestuan 29-vjeçaren Elinta Garon për aksidentin që shkaktoi të hënën në kryeqytet. Po kështu, në njoftim thuhet se Alkuna Telhaj dhe Valentina Hysa pas marrjes së trajtimit mjekësor në spital u larguan në banesa, por Begzan Hysa nuk mundi të mbijetonte. Shkak i aksidentit të rëndë dyshohet të jetë bërë shpërqëndrimi i 29-vjeçares nga telefoni. Policia e gjeti përgjegjëse 29-vjeçaren Elinta Garo për aksidentin dhe e arrestoi atë për “Shkelje të rregullave të qarkullimit rrugor”.