Organizata e Kombeve të Bashkuara do të zhvilloje një seancë urgjente mbi pretendimet për “racizëm sistematik, brutalitetin e policisë dhe dhunën ndaj postuesve paqësorë” në Shtetet e Bashkuara. Protestat në SHBA u nxitën pas vdekjes së afrikano-amerikanit, George Floyd në Mineapolis, i cili vdiq në 25 maj, teksa po mbahej nga policia. Floyd humbi jetën pasi një polic i bëri presion me gju në qafë për pothuajse nëntë minuta.Vendimi për mbajtjen e debatit në Këshillin për të Drejtat e Njeriut të OKB-së vjen pas kërkesës të bërë javën e kaluar nga Burkina Faso, kërkesë që u bë në emër të shteteve afrikane. Shtetet e Bashkuara nuk janë pjesë e këtij trupi të OKB-së, që ka 47 anëtarë.“Vdekja e George Floyd fatkeqësisht nuk është incident i izoluar”, thuhet në njoftim. Ky këshill i OKB-së me seli në Gjenevë u krijua në 2006, për të zëvendësuar Komisionin për të Drejtat e Njeriut të OKB-së, komision ky që ishte kritikuar se kishte lejuar shtetet me të dhëna negative të të drejtave të njeriut të bëheshin pjesë e tij. Këshilli për të Drejtat e Njeriut është një mision faktmbledhës dhe mund të ngrejë komisione hetimore për çështje të caktuara. SHBA-ja u largua nga ky këshill më 2018, duke e kritikuar këtë organizëm për“tallje” me të drejtat e njeriut.