Gati 12,000 fëmijë nën pesë vjeç u identifikuan si të prekur nga kequshqyerja akute në Gaza në muajin korrik, shifra më e lartë mujore kjo e regjistruar ndonjëherë, sipas kreut të Organizatës Botërore të Shëndetësisë. Tedros shtoi se rreth 2,500 prej këtyre fëmijëve vuajnë nga kequshqyerja e rëndë. "Vëllimi i përgjithshëm i furnizimeve me ushqime është i pamjaftueshëm për të parandaluar përkeqësimin e mëtejshëm të situatës", u shpreh Rik Peeperkorn, përfaqësuesi i OBSH-së për territoret palestineze. Të paktën 99 persona kanë vdekur, përfshirë 64 të rritur dhe 35 fëmijë, përfshirë 29 nën moshën 5 vjeç, që prej fillimit të vitit 2025 deri më 29 korrik, shtoi kreu I OBSH.