Presidenti i Shtetet e Bashkuara, Donald Trump, i ka shprehur mbështetjen kryeministrit hungarez, Viktor Orban, gjatë një fushate elektorale në Budapest, përmes një lidhjeje telefonike. Trump e quajti Orban “një njeri fantastik” dhe përmendi marrëdhënien e mirë mes tyre. Mbështetja u dha ndërsa zëvendëspresidenti amerikan, JD Vance, ishte prezent në fushatë, duke mbajtur telefonin në altoparlant për të transmetuar mesazhin e Trump për përkrahësit e Orban. Telefonata e Trump erdhi vetëm disa orë pasi presidenti kërcënoi me vdekjen e një qytetërimi të tërë nëse Irani nuk e përmbushte afatin e tij për të rihapur Ngushticën e Hormuzit. “Ai por bën një punë të mirë, mbajeni mend këtë. Ai nuk lejoi njeri/ vend të sulmonin vendin tuaj dhe të pushtonin vendin tuaj siç kanë bërë të tjerët. Ai e ka mbajtur vendin tuaj të mirë, ai i ka mbajtur hungarezët në vendin tuaj. Dhe ai ka bërë një punë fantastike”, tha Trump. Kjo lëvizje bëhet vetëm disa ditë para zgjedhjeve parlamentare në Hungari, ku Orban dhe partia e tij përballen me një sfidë të fortë elektorale, sipas sondazheve që tregojnë se mund të humbin pas 16 vitesh në pushtet. Viktor Orbán, i cili e cilëson modelin e tij të qeverisjes si “demokraci jo-liberale”, përfaqëson një linjë politike që përputhet me disa nga tiparet kryesore të epokës së Donald Trump. Kjo përfshin politika të forta kundër emigracionit, sfidim të normave liberale, kritika të vazhdueshme ndaj institucioneve ndërkombëtare, si dhe qëndrime të ashpra ndaj mediave, universiteteve dhe organizatave jofitimprurëse. Ai ishte gjithashtu lideri i parë evropian që doli hapur në mbështetje të Trump gjatë fushatës presidenciale të vitit 2016.