Bilanci i jetëve të humbra si pasojë e covid 19 për fat të keq vijon të jetë i lartë të vendin tonë. 15 viktima janë raportuar nga ministria e Shëndetësisë gjatë 24 orëve të fundit, të moshave 54-82 vjeç. Me këto të dhëna numri I viktimave sipas të dhënave zyrtare që nga fillimi i pandemisë më shumë se 1 vit më parë, ka shkuar në 2045 persona. Po ashtu edhe pse shiofrat e infektimeve kanë pësuar rëni në krahasim me muajin shkurt dhe ditët e para të marsit vijojnë të jenë të larta. Në këto 24 orë janë konfirmuar si të prekur me Covid 19, 653 qytetarë si rezultat i 3119 testimeve të kryera ndaj personave të dyshuar. Sipas të dhënave, Tirana vijon të mbetet vatra kryesore në vend me 234 raste të reja, 41 raste janë shënuar në Vlorë, 33 në Korçë, 26 në Durrës dhe Mirditë, 25 në Fier dhe Sarandë, 20 në Shkodër, 16 në Gjirokastër dhe Tepelenë, 14 në Skrapar, 12 në Lushnje, Librazhd, nga 11 raste në Berat, Delvinë, Gramsh, 10 raste në Lezhë dhe më pak raste ne bashkitë e tjera të vendit. Ka pësuar rritje dhe numri i të shtuarvë ne spitalet covid, në krahasim me një ditë më parë dhe aktualisht po trajtohen 501 pacientë, 23 në terapi intensive, nga të cilët 7 pacientë janë të intubuar. Në 24 orët e fundit janë shëruar 662 qytetarë, duke e çuar numrin e të shëruarve në 80,483 që nga fillimi i epidemisë, ndërsa numri i rasteve aktive vijon të jetë i lartë dhe rezultojnë të prekur me covid 19, 34 946 persona. Që nga fillimi i pandemisë janë konfirmuar në tërësi 117,474 raste pozitive. Sa i takon procesit të vaksinimit, gjatë së dielës janë kryer 234 vaksinime antiCovid dhe që nga fillimi janë kryer 24,887 doza për personelin shëndetësor, të moshuarit dhe mësuesit.