Rreth 600 punonjës të United Airlines do të pushohen nga puna pasi nuk i janë bindur politikës së vaksinimit anti covid të kompanisë. Pjesa nmë e madhe e stafit prej 67 mijë punonjësish në shba, kanë ofruar tashmë provën e vaksinimit që kërkohej. “Ky ka qenë një vendim shumë i vështirë”, thanë drejtuesit e kompanisë në një memo drejtuar punonjësve. Kompania ajrore me bazë në Cikago vendosën si kusht vaksinimin për stafin që në Gusht. Punonjësit e saj duhej të ofronin provën e vaksinimit ose atë të marrjes së dozës së parë nga dy gjithsej, deri këtë të hënë. 593 punonjës që kanë refuzuar vaksinimin dhe nuk kanë aplikuar për përjashtim mbi baza mjekësore ose fetare, tani përballen me humbjen e vendit të punës. Disa nga këta punonjës sidoqoftë do të mund ta shpëtojnë vendin e tyre të punës nëse janë vaksinuar por thjeshtë nuk kanë mundur ta dorëzojnë në kohë provën e vaksinimit. United tha se do të ndjekë rregullat e përcaktuara me sindikatat për shkarkimet nga puna dhe procesi do të marrë javë apo muaj. Rreth 2 mijë punonjës ndërkohë kërkuan më herët përjashtimin nga politika për arsyet e sipërpërmendura.