Vijon të njohë rritje nga dita në ditë numri i të infektuarve me Covid-19. Sippas të dhënave zyrtare të publikuara nga Ministria e Shëndetësisë, numri i të infektuarve për të disatën ditë me radhë ka pësuar rritje, duke shkuar në 671 raste të reja, nga 1943 testime, teksa fatmirësisht nuk ka pasur asnjë humbje jete. Tirana vijon të jetë qyteti me më shumë infektime, ku në 24 orët e fundit kanë rezultuar pozitivë 366 persona, ndjekur nga Durrësi me 32 raste, 28 në Lushnje, nga 25 qytetarë në Vlorë, Sarandë, 16 në Fier, 15 në Lezhë, 14 në Berat, 12 në Patos, nga 11 qytetarë në Divjakë, Elbasan, 10 në Himarë etj. Ministria bën me dije se në 24 orët e fundit, krahas rasteve të reja, janë shëruar 153 qytetarë, duke e çuar numrin e të shëruarve në total në 274,955. Po ashtu mësohet se po vijojnë të marrin mjekim në spitalin Covid 3 23 pacientë, teksa të infektuar aktivë janë 3685 qytetarë. Nisur nga shtimi i rasteve të reja, Ministria kërkon nga qytetarët që të vaksinohen, ndërsa apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.