Gjykata e Posaçme ka refuzuar kërkesën për lirim të gjyqtares së Krujës, Enkelejda Hoxha. Kërkesa e saj për të zëvendësuar masën "Arrest në burg" me një masë më të butë mesa duket ra në vesh të shurdhët pasi apeli i GJKKO-së nuk e pa të arsyeshme të ndryshonte vendimin e mëparshëm. Vetëm pak kohë më parë gjyqtarja u la në burg nga Gjykata e Apelit. Ajo u arrestua nga SPAK, pas një megaoperacioni nga ana e Gjykatës së Krujës, ku u vunë në pranga edhe 9 persona të tjerë. Sipas akuzës, dyshohej se ajo kishte liruar nga burgu persona me dënime të rënda, në këmbim të parave. Emri i gjyqtares lidhet me lirimin e shumë të dënuarve me burg të përjetshëm, mes tyre edhe Endrit Dokle, Genc Tafili dhe Hekuran Billa, i vrarë para disa muajve në Tiranë. Kërkesat e vazhdueshme për të zbutuar masën ndaj gjyqtares, janë argumentuar me faktin se s’ka kush të kujdeset për fëmijët e saj, pasi djali është me nevoja të veçanta, kurse e bija e mitur nga ana tjetër është shkëputur nga shkolla.