Banka e Shqipërisë thotë se është duke studiuar tregun e kriptomonedhave, por guvernatori Gent Sejko iu përgjigj me batutë kërkesave se pse banka qendrore nuk prezanton monedhë qendrore virtuale. Guvernatori raportoi para Komisionit të Ekonomisë, ku në lidhje me zhvlerësimin e euros citoi si faktor rritjen e investimeve të huaja dhe rritjen me 30 për qind si të dërgesave të emigrantëve, ashtu edhe të vlerës së eksporteve. Në lidhje me inflacionin, Sejko tha se Banka mund të ndërhyjë sërish me rritjen e normave të interesit nëse inflacioni i produkteve të shportës rritet.