Çmimi Nobel për Mjekësi u është ndarë shkencëtarëve që e kanë zbuluar teknologjinë mRNA për vaksinat kundër koronavirusit. Katalin Kariko dhe DreË Ëeissman do ta ndajnë çmimin e këtij viti. Kjo teknologji ka qenë eksperimentale para pandemisë së koronavirusit, mirëpo me të janë krijuar vaksina për miliona njerëz në botë. E njëjta teknologji po synohet të përdoret edhe për sëmundje tjera, përfshirë edhe kancerin. “Laureatët kanë kontribuuar në nivel të pashembullt për zhvillim të vaksinës, në kohën e përballjes me një prej rreziqeve më të mëdha për shëndetin e njerëzve në kohët moderne”. Vaksinat me këtë teknologji trajnojnë sistemin imunitar për të njohur edhe për të luftuar viruset apo bakteret. Teknologjia tradicionale për prodhim vaksinash është bazuar në viruse të vdekura apo të dobësuara dhe me to është luftuar një virus. Por mRNA njihet për një qasje krejt ndryshe. Gjatë pandemisë së koronavirusit, kompanitë Moderna dhe Pfizer/BioNTech përdorën vaksinat e bazuara në teknologjinë mRNA. Kariko dhe Ëeissman janë takuar në fillim të viteve ’90, ndërsa punonin në Universitetin e Pensilvanisë në Shtetet e Bashkuara.