Pesë personat që kishin regjistruar emrin për një shëtitje natën me helikopter në Nju Jork tre vjet më parë, mbase kishin pritur që rregullatorët e aviacionit t`I kishin marrë të gjitha masat për sigurinë e tyre. Por nuk ndodhi kështu. Realiteti I atij fluturimi fatal 11 marsin e vitit 2018, ishte shumë ndryshe. Operatori I pati thënë se bëhej fjalë për një fluturim “fotografish ajrore” e për rrjedhojë, kjo e perjashtonte nga rregullat e rrepta komerciale. Por kur mjeti humbi fuqi e përfundoi në East River, që të pestë u mbytën sepse ishin lidhur pas ndenjëseve të tyre me rripa të cilat nuk e kishin marrë aprovimin e sigurisë. Ata ishin në mesin e 40 personave të vdekur që prej 2016-tën në ture ajrore dhe fluturime të tjera me qira, të cilat e përjashtojnë veten nga rregullat e aviacionit civil. Tani, bordi kombëtar për sigurinë e transportit në SHBA po kërkon të vendosë rregulla mjaft më të ashpra mbi fluturimet komerciale, të cilat përfshijnë edhe avionë të Luftës së dytë botërore, ballonë me ajër të nxehtë, avionë me parashutistë dhe helikopterë për xhiro turistike, aksidentet e të cilave së fundi janë shtuar.