9 marsi i vitit të kaluar shënoi rastet e para zyrtare pozitive të koronavirusit në vendin tonë, duke vijuar me një vit të vështirë ku të gjithë u përballën me veshtirësi të shumta. Rasti i parë ishte 28 vjecari i kthyer në Shqipëri nga Milano dhe që kishte hyrë në Shqipëri nga pika e Muriqanit në 26 shkurt. I riu më pas infektoi edhe të atin, dhe testimet I konfirmuan të dy pozitivë. Pas këtyre dy rasteve të para me covid 19, qeveria vendosi mbylljen e të gjithë sistemit shkollor dhe mësimi deri në mbylljen e vitit shkollor e akademik për studentët u bë vetëm online. Arsimi parauniversitar filloi me prani fizike vetëm në shtator me nisjen e vitit të ri shkollrm, por edhe sot një pjesë e mësimit vijon të behet online për të shmangur përhapjen e virusit në shkolla. Përveç mbylljes së shkollave në ditët që pasuan, u mbyllën të gjitha aktivitetet, dhe për gati dymuaj kanëqenë të hapura vetëm farmacitë dhe supermarketet. Ndërkohë edhe lëvizja e mjeteve ishte e lejuar vetëm me kuzfizime dhe në saj të lejës që merrej në e-albania. Pasojat që ka shkaktuar pandemia në ekonomi dhe në buxhete familjare janë të shumta dhe vijojnë edhe sot e kësaj dite. Ekspertë parashikojnë se do të duhen vite për të kthyer në normalitet ekonominë e vendit. Por ajo që ishte sfida e vertetë në përballjen me pandeminë, ishte gjurmimi i të prekurve nga covid 19, izolimi i kontakteve të tyre, apo edhe trajtimi I të sëmurëve që përjetonin simptoma të rënda, pasi edhe protokollet mjekësore sin ë vendin tonë dhe në botë ishin të paqarta. Fillimisht u vunë në dispozicion të trajtimit të sëmurëve spitali infektiv që njihet si Covid 1, spitali shefqet ndroqi të cilët funksionuan në përiudhën e pranverës, kur rastet e prekura ishin më të pakta dhe situate më e menaxhueshme. Në periudhën e vjeshtës dhe të dimrit u vunë në funksion spitalet Covid 3 dhe Covid 4 pasi numri i të sëmurëve në gjendje të rëndë u shtua ndjeshëm. Së fundmi gjatë muajit shkurt kur shifrat e rasteve ditore ishin mbi 1000 të prekur, janë hapur edhe pavionet covid në tre spitalet rajonale, në Durrës, Korçë dhe Elbasan.