Erdian Muho dhe Armand Nelaj kishin përgatitur me hollësi të gjithë planin e vendosjes së tritolit te trageti i kompanisë konkurrente në operonte në linjën Sarandë-Korfuz, me përjashtim të një detaji që rezultoi vdekjeprurës për njërin prej tyre. Burime të Top Neës nga grupi hetimor pohojnë se biznesmeni Nelaj, i cili mbeti i vdekur nga shpërthimi i tritolit më 24 qershor dhe bashëkpunëtori i tij, Erdian Muho kishin ndërtuar mekanizmin e shpërthimit në distancë përmes një telefoni. Ajo që nuk kishin llogaritur ishte mesazhi ‘Ëelcome to Greece’, që ka qenë mesazhi fillestar i aktivizimit të kartës telefonike të vendosur në telefonin që do të shërbente për shpërthimin e sasisë së tritoli. Grupi hetimor po heton në këtë pistë qelizat telefonike në zonë në orën që ka ndodhur ngjarja. Por, burimet thonë se nuk përjashtohet mundësia që në mekanizmin e shpërthimit të jetë përdorur një numër i blerë në Greqi, për faktin se numrat telefonikë matanë kufirit shiten pa qenë nevoja për regjistrim dhe për më tepër kapin valë edhe në Sarandë. Dyshohet se 52-vjeçari Armand Nelaj, njohur në Sarandë si biznesmen në fushën e ndërtimit është porositur me pagesë nga Erdan Muho, që zotëron një kompani transporti pasagjerësh në drejtim të Korfuzit, për të vendosur tritol ndaj kompanisë konkurrente.