Perspektiva e një pushtimi rus të Ukrainës, ka ngritur alarmin në rajon duke kërcënuar se do ta zhysë vendin me 44 milionë banorë në kthetrat e konfliktit. Por një lëvizje e Kremlinit në këtë drejtim, do të ndjehej shumë përtej kufijve që të dyja vendet ndajnë. Ekspertët druajnë se një pushtim rus do të ndizte erën e pasigurisë në evropën lindore, duke ndërprerë zinxhirët e furnizimit dhe duke goditur rëndë ekonominë globale. Ai po ashtu do të ndryshonte fushat e ndikimit gjeopolitik duke dëmtuar besueshmërinë e perëndimit. E të gjitha këto frikëra, nuk janë evituar ende. Qeveria ukrainase po përpiqet të minimizojë rreziqet e një pushtimi të afërt edhe pse zyrtarët nga të gjitha palët po punojnë për një zgjidhje diplomatike të përplasjes, me administratën biden që mendon se lufta është shumë e mundshme. Nëse një pushtim ndodh, nuk dihet se cfarë forme do të ketë ai dhe parashikimi i qëllimeve që fshihen pas veprimeve të presidentit Putin, është thuajse i pamundur. Por për ekspertët, një luftë në kuptimin e vërtetë të saj, do të ishte e tmerrshme. E kjo, sipas tyre, është kriza më e rëndë e sigurisë në evropë që nga lufta e ftohtë.