Humza Jousaf, lideri i parë mysliman i një partie kryesore politike në britaninë e madhe, përballet me një betejë të vështirë për ti dhënë sërish hov përpjekjeve të skocisë për pavarësi, pas qëndrimit të gjatë në pushtet të aleatës së tij të ngushtë, Nicola Strurgeon. Lideri i ri i partisë kombëtare skoceze, SNP, vetëm 37 vjec, thotë se eksperienca e tij si një pjesëtar i një minoriteti etnik, ndikon që ai të luftojë për të mbrojtur të drejtat e të gjitha minoriteteve, përfshirë homoseksualët dhe transgjinorët. Yousaf, i lindur në Glasgou, e bëri betimin e tij në gjuhën angleze dhe në atë pakistaneze kur u zgjodh së pari në parlamentin skocez në 2011, para se të ngjitej akoma më shumë për tu bërë i pari mysliman që shërbeu në kabinetin e qeverisë së shkrirë. Ai është vlerësuar nga mbështetësit e tij si një komunikues i mirë që mund të bashkojë partinë ndërsa mbështetja për politikën kryesore të SNP-së, pavarësinë e skocisë, duket se ka mbetur në vend.