Në harkun e pak ditëve është shënuar një tjetër ngjarje e rëndë nga radhët e pacientëve të prekur me koronavirus dhe që trajtohej në spital. Tre raste viktimash janë shënuar në spitalin “Shefqet Ndroqi”, ndërsa këtë të martë, rasti i hedhjes nga ambientet e spitalit është regjistruar në Spitalin Infektiv të Tiranës. Burime zyrtare nga Policia bëjnë të ditur, se pacienti 69 vjec me inicialet R.B është hedhur nga kati i dytë i spitalit dhe se ka humbur jetën edhe pse ende nuk është konfirmuar identiteti i tij dhe gjendja e tij shëndetësore. Pacienti e ka kryer këtë veprim në një orë, kur lëvizjet në infektiv kanë qenë të shtuara, për shkak të transporteve të shumta, por edhe ekipeve mjekësore. Ndërkohë, forca të shumta policie kanë rrethuar vendin e ngjarjes për të kryer veprimet proceduriale. Ende nuk ka një prononcim zyrtar nga mjekët e shërbimit, apo pavionit ku ndodhej i moshuari. Fillimisht u tha, se ai kishte gjetur vdekjen, por policia në njoftimin e saj zyrtar disa minuta pas ngjarjes konfirmoi se ai ndodhet i plagosur.