Pallati i Buckinghamit ka punësuar një firmë ligjore të jashtme për të hetuar pretendimet sipas të cilave, Meghan Markle, dukesha e Sussex-it, kishte keqtrajtuar pjesëtarë të stafit mbretëror. Pallati tha se do të niste hetimet pas raporteve në media më herët këtë muaj, që citonin ndihmës të paidentifikuar të familjes mbretërore që thonin se një ankesë ishte bërë kundër Meghanit në 2018. Një zëdhënës i pallatit të Buckinghamit tha të hënën: Ne jemi të angazhuar të shqyrtojmë rrethanat por nuk do të bëjmë komente publike për këtë cështje. CNN shkruan se nuk ka mundur të mësojë se cila kompani ligjore do të hetojë akuzat. Lëvizja sidoqoftë vjen ndërsa pallati përballet me një krizë të shkaktuar nga akuzat që vetë princi Harry dhe Meghani kanë lëshuar në intervistën e tyre shpërthyese me Oprah Ëinfrey. Harry dhe Meghani nuk bënë komente të hënën por një zëdhënës i ciftit më herët ka hedhur poshtë akuzat e raportuara nga The Times, duke i quajtur ato shpifje. “Le ti vëmë emrin e duhur, një fushatë e përllogaritur mirë shpifjesh”, tha zëdhënësi i dukëve të saseksit. Plani agresiv i pallatit për të hetuar raportet bie në kontrast me qëndrimin e tij ndaj akuzave të Meghanit për racizëm, në adresë të mbretërorëve të lartë, që familja tha se do ti trajtojë si cështje të brendshme. I vetmi mbretëror i lartë që është përballur me pyetje rreth intervistës, deri më tani, ka qenë Princi Uilliam, i cili i tha një gazetari javën e shkuar se mbretërorët nuk janë një familje raciste.