Agjencia amerikane DARPA ka bërë një hap të madh në programin e saj ALIAS, duke bërë të mundur fluturimin e helikopterit pa pilot. Bëhet fjalë për helikopterin luftarak UH-60 Black Haëk, i cili fluturoi pa pilot në një hark kohorë prej 30 minutash. Hapi i madh vjen 20 vjet pas fillimit të kësaj teknologjie. Kjo agjenci kërkimore ka pasur një sërë projektesh, por vetëm tani mundi të realizojë fluturimin pa pilot të një helikopteri. Bëhet fjalë për helikopterin që u prodhua nga “zero” me qëllim që të fluturojë vazhdimisht, dhe është pajisur me teknologjinë nga programi ALIAS – që mundëson fluturime autonome, pra pa pilot. Teknologjia e quajtur Sikorsky Matricc i mundëson një helikopteri të fluturojë plotësisht në mënyrë të pavarur. Menaxheri i progoramit në DARPA, Steëart Young, tha se kjo teknologji u mundëson pilotëve të fokusohen më shumë në mision e jo në mekanikë. Kombinimi unik i softuerit dhe harduerit autonom e bën fluturimin “më të mençur” dhe të sigurtë.