Top News-Një ditë në rrugën që ‘merr jetë’ njerëzish/Aksi Fushë Krujë-Lezhë, aty ku jetohet me frikë

Ky është një nga akset më problematike në vendin tonë, sa i takon aksidenteve rrugore me pasoja të rënda. Me të paktën 11 aksidente të raportuara nga Policia për këtë vit, rruga Fushe Krujë – Lezhë konsiderohet si njollë e zezë nga ekspertët rrugore, që nuk po merr zgjidhje ndonëse vitet kalojnë. Në këtë rrugë kanë humbur jeten qoftë këmbësore, apo qytetare që lëvizin me makina, motorë, si edhe me mjete bujqësore. -Problematika kryesore që vihet re në këtë aks, ka të bëjë me mungesën e vendkalimeve për këmbësoret. Qytetarëve u duhet të kalojnë nga njëra anë e rrugës në tjetrën përmes makinave, që në shumë raste, lëvizin me shpejtësi tej normave të lejuara.