Një ekip i marinës amerikane dhe rojës bregdetare konfizkoi mijëra armë të paligjshme javën e shkuar pasi ndaloi një anije të vogël në detin e arabisë veriore. Kruizeri USS Monterey ndaloi anijen më 6 maj, gjatë një operacioni rutinë për të verifikuar regjistrimin e saj tha marina. Një ekip u ngjit në bord dhe gjeti armatimet. Sasia e stërmadhe e armatimeve të konfiskuara, mbuloi thuajse të gjithë hapësirën e luftanijes amerikane, 173 metra të gjatë pasi u transferua atje në atë që marina konfirmoi se ishte një operacion dy ditore. Mes armatimeve kishte dhjetëra raketa ruse anti tank, mijëra armë sulmi kineze të tipit 56 dhe qindra automatikë PKM, snajpera dhe granata hedhës. Vec tyre kishte edhe armatime të tjera dhe pajisje ushtarake po ashtu. Tani ushtria amerikane po heton burimin dhe destinacionin e këtij arsenali të madh armatimesh, që do të mbetet në duart e marinës.