Një ekuipazh i përbashkët amerikan dhe rus, në bordin e një anijeje Soyuz, u nis me sukses të premten në rrugëtimin drejt stacionit hapësinor ndërkombëtar. Astronauti i NASA-s, mark Vande Hei dhe kozmonautët rusë Oleg Novitskiy dhe Pyotor Dubrov u nisën në fluturim në orën 12.42 në bordin e anijes hapësinore Soyuz Ms-18 nga aerodromi i Bajkonurit në Kazakistan. Ata mbërritën në stacionin hapëisnor pas një udhëtimi prej tre orësh. Gjatë misionit të tyre, ekuipazhi do të punojë me qindra eksperimente në biologji, bioteknologji, shkenca fizike etj. Nisja e tyre në hapësirë vjen vetëm tre ditë para 60 vjetorit të daljes së njeriut të parë në hapësirë, kozmonautit sovjetik Yuri Gagarin dhe 40 vjetorit të lëshimit të anijes së parë hapësinore të NASA-s. Në stacionin hapësinor ndërkombëtar, të tre ata do ti bashkohen Kate Rubins, michael Hopkins, victor glover dhe shannon ëalker të NASA-s dhe rusëve Sergey Ryzhikov e Sergey kud Sverchkov dhe atij japonez, soichi noguchi. Ky është misioni i dytë hapësinor për Vande Hei dhe i treti për Novitskin. Dobrov ndërkohë është në misionin e parë të tij.