Irmgard Furchner, 96 vjec, duhej të dilte para gjyqit në gjermaninë veriore të enjten për bashkëpunim në 11 mijë vrasje, por gjykatësi në fakt lëshoi një urdhër arresti për të. Një ish sekretare në kampin nazist të përqendrimit Stutthof, ajo duhej të dilte para një gjykate të rinjsh në Itzehoe. Sidoqoftë, ajo u zhduk nga shtëpia e të moshuarve ku qëndronte. Ajo mori një taksi dhe u largua – tha një zëdhënës i gjykatës. E akuzuara mendohet se ka marrë më pas metronë drejt periferisë së hamburgut. Gjykatësiu tha se ajo tani është një e arratisur dhe një grup që përfaqëson të mbijetuarit e kampeve naziste shprehur zemërim për faktin se ajo mundi të largohej. Rasti konsiderohet në fakt i paprecedenttë pasi Irmgard Furchner ishte një punonjëse civile në Stutthof. Ajo punonte si daktilografiste në kampin afër qytetit polak të Gdanskut, që asokohe ishte pushtuar nga gjermania naziste dhe njihej si Danzig. Për dy vite para fundit të luftës në 1945 ajo thuhej se njihte detajet e asaj që ndodhte në kampin e përqendrimit. Gjatë një gjyqi në 1954, ajo tregoi se si ajo thjeshtë shkruante mesazhet që i jepeshin por nuk dinte asgjë për vrasjet naziste në kamp. Rreth 100 mijë njerëz mbaheshin në Stutthof, i njohur për kushtet mizore dhe rreth 65 mijë mendohet të kenë vdekur atje. Procesi është një nga gjyqet e fundit të nazistëve për faktin se pak të akuzuar janë ende gjallë. Gjyqi po mbahet në një gjykatë për të rinjtë pasi e akuzuara, tani 96 vjec, ishte vetëm 17 vjec në kohën e ngjarjeve.