Ajo që konsiderohet si masakra më e madhe e bërë ndaj popullatës civile në Kosovë, e njohur me emrin e fshatit në të cilin u ekzekutuan 377 burra, tashmë ka nisur të gjykohet në Departamentin Special në Gjykatën Themelore të Prishtinës. Këtë të hënë nisi në këtë gjykatë seanca fillestare ndaj 53 të akuzuarve për Masakrën e Mejës, të cilët ndodhen në arrati. Si I dyshuar dhe akuzuar kryesor për këtë masakër, është ish-shefi i Departamentit për Siguri në Komandën e Korpusit të Prishtinës, Momir Stojanoviq, i cili ka qenë edhe drejtor i Agjencisë Ushtarake dhe të Sigurimit të Serbisë. 53 të dyshuarit, mes të cilëve dhe Stojanoviq, akuzohen nga Prokuroria Speciale për krime lufte kundër popullsisë civile, duke vrarë mbi 370 civilë shqiptarë. Prokuroria Speciale e Kosovës, në dhjetor të vitit 2023 ngriti aktakuzë për masakrën e Mejës, por që më pas u plotësua në prill të vitit 2024.