Një 60-vjeçar është vënë në pranga nga policia e kryeqytetit, pasi akuzohet se ka ngacmuar seksualisht një të mitur. Mësohet se 60-vjeçari po udhëtonte në të njëjtën autobus me një 15-vjeçare, së cilës i është afruar duke i bërë veprime të pahijshme. Nga specialistët për Hetimin e Krimit u bë arrestimi në flagrancë i shtetasit A. M., 60 vjeç, - thuhet në njoftimin zyrtar të policisë. Një tjetër rast I ngjashëm është denoncuar gjithashtu, për një 42 vjecar që ka ngacmuar seksualisht një të mitur në rrugën “Pandi Dardha” në kryeqytet. Policia bën të ditur se 42 vjecari, është shpallur në kërkim. Gjithashtu policia e Tiranës bën të ditur se janë vënë në pranga edhe 6 persona të tjerë, të akuzuar për vepra të ndryshme penale. Ndër to një 39-vjeçar I cili ka thyer masën e arrestit, është kapur në flagrancë nga policia jshtë banesës të tij. Ndërsa 3 shtetas janë arrestuar nga specialistët e qarkullimit rrugor, pasi u konstatuan duke drejtuar mjetet përkatëse nën efektin e pijeve alkoolike.