Shqipëria duhet që sa më shpejt të të mundësojë votën e diasporës, pasi e kërkon Kushtetuta. Ky është apeli që bën Ambasadorja e SHBA në Shqipëri, Yuri Kim. Këtë të martë, Kim u takua me ambasadorin e OSBE, Vincenzo Del Monaco. Ambasadorja më tej shton se SHBA është e gatshme të mbështesë vendin tonë në përpjekjet për të forcuar intitucionet dhe proceset gjyqësore. ‘U takova me ambasadorin e OSBE-së, Del Monaco, për të diskutuar angazhimin tonë të përbashkët për të mbështetur zgjedhjet e lira dhe të ndershme, reformën në drejtësi dhe luftën kundër trafikimit të qenieve njerëzore. Ne inkurajojmë Shqipërinë që të mundësojë votën e diasporës sa më shpejt që të jetë e mundur, siç e kërkon Kushtetuta. SHBA është e kënaqur të mbështesë Shqipërinë në përpjekjet e saj për të forcuar institucionet dhe proceset gjyqësore, duke përfshirë zhvillimin e programit të ri të masterit në kriminologji’, shkruan Kim.