Mbledhja e Përgjithshme e Prokurorivë në Polin e Dretësisë, zgjodhi me vota tre anëtarët e Këshillit të Lartë të Prokurorisë. Prokurorja e Tiranës Antoneta Sevdari është rikthyer në Këshillin e Lartë të Prokurorisë, duke u zgjedhur sot një nga anëtaret e KLP-së nga radhët e Prokurorisë së Përgjithshme. E shkarkuar në shkurt të 2019 nga Vettingu për shkak të të ardhurave të pajustifikuara të bashkëshortit, prokurorja fitoi betejën në Strasburg, që gjeti shkelje të vendimit dhe caktoi një masë shpërblimi ndaj saj në vlerën totale prej 24 mijë e 600 eurosh. Në mbledhjen e përgjithshme të prokurorëve që u mbajt të Poli i Drejtësisë, nga radhët e Apelit u zgjodh prokurorja Afërdita Ndoi. Anëtarja e tretë e zgjedhur ishte Eloida Goxhaj nga radhet e shkallëve te para. Në prokurorinë e përgjithshme ishin depozituar 6 kandidatura, mes tyre u zgjodhën fituesit, të cilët zëvëndësuan Sokol Stojanin nga Prokuroria e Përgjitshme, Ledina Riza nga Apeli dhe Zeqir Hodën nga shkalla e parë.