Rreziku nga ushqimet që i serviren qytetarëve shqiptarë sa vjen e shtohet, duke krijuar një ambient aspak të sigurtë për të jetuar. Një skandal i përmasave të mëdha që prek drejtëpërdrejtë shëndetin e qytetarëve, u zbulua nga shërbimet policore të komisariatit numër 7 në Vorë. Brenda kësaj magazine falsifiksoheshin etiketat e produkteve ushqimore të skaduara që prej muajit janar dhe shkurt, të cilat më pas hidheshin sërish në treg për shitje. Policia mundi të arrestonte vetëm dy persona administratorin Florenc Domi 38-vjeç dhe magazinierin Agim Domi 58-vjeç. Ndërsa po hetohet oratiku i tyre Skifter Tagani si dhe shoferi i magazinës. Nga veprimet hetimore paraprake është zbuluar se ushqimet e skaduara ishin ato të përpunuaara, frutat e thata, farat, patatinat, cokollatat, kryesisht ato që përdoren në tavolinë për qirasje, ndërsa po hetohet në rast se në treg janë hedhur edhe produktet bazë, sic është vaji, mielli, apo makaronat dhe sheqeri. Në ambientet e subjektit tregtar “Master AL”, u gjetën dhe u sekustruan sasi të mëdha mallrash ushqimore të përpunuara të skaduara me etiketa skadence të falsifikuara, konkrertisht 716 koli dhe dhjera kilogramë mallra të tjera ushqimorë. Policia referoi materialet në prokurorinë e Tiranës për kryerjen e veprave penale “Shkelja e të drejtave të pronësisë industriale”, “Falsifikimi i vulave, stampave ose formularëve”, “Fshehja e të ardhurave”, “Mospagimi i taksave dhe tatimeve”, “Punësim i paligjshëm” dhe “ruajtja e ushqimeve të rrezikshme për shëndetin ose jetën e njerëzve”. Tashmë organi I akuzës pritet të kryrje hetime të thelluara për të zbardhur skandalin e rëndë, për të parë nëse ka persona të tjerë përgjegjës përvec atyre që u identifikuan nga ana e policisë si dhe për të parë se prej sa kohësh përdorej kjo metodë nga subjeti Master AL.