Kristina Shapovalova qëndron mes një turme, jashtë një kafeneje, të vitrinën e të cilës reflektohej një dritë e vecantë, në mesin e blackout-it në qytetin ukrainas të Harkivit. Me një palë syze moderne, me skelet të zi në sy, shapovalova flet për sulmet në qytetin e saj. “Jemi të ndërgjegjshëm që nëse dalim në rrugë, mund edhe të vritemi”, thotë 25-vjeçarja për AFP. "Por ne në thelb bëjmë një jetë të plotë, ashtu si në Londër," shton ajo, me muzikën në sfond. Forcat ruse, vetëm 40 kilometra larg, kanë bombarduar qytetin verilindor pothuajse çdo ditë për dy vitet e fundit. Por shumë të rinj i thanë AFP-së se kishin zgjedhur të qëndronin në Harkiv për ta mbajtur gjallë atë, si shenjë rezistence kundër Moskës. Lufta për të bërë një jetë në dukje normale, tregon edhe motivimin e ukrainasve që jetojnë nën hijen e armëve ruse. Muajin e kaluar një sulm rus shkaktoi një ndërprerje të plotë të energjisë në qytet dhe që atëherë ka pasur vazhdimisht probleme.