Nëse Komisioni Evropian do të fillonte ‘luftën e tretë botërore’ mbi temën e respektimit të ligjit, Polonia do të mbrohet me të gjitha armët që ka në dispozicion. Kjo është deklarata e kryeministrit polak, Mateusz Moraëiecki në një intervistë për Financial Times, që nënvizon se e konsideron atë të Brukselit një sjelle diskriminuese dhe një diktat dhe se nëse situata do të përkeqësohet, polonia do të mendojë strategjinë e saj. Shefi i qeverisë së Varshavës ka akuzuar BE se i ka drejtuar kërkesa Polonisë duke i vënë asaj ‘pistoletën në kokë’ dhe i kërkoi Brukselit të tërheqë kërcënimet me sanksione ligjore dhe financiare. “Do të mbrojmë të drejtat tona me të gjitha armët që kemi në dispozicion”, është përgjigjur Moravicki kur u pyet nëse polonia mund të vendosë veton mbi vendime kritike mbi një legjislacion sic mund të jetë paketa për klimën e BE-së. “Nëse ndokush do të na sulmojë në mënyrë krejtësisht të padrejtë, do të mbrohemi me cdo mjet të mundshëm”, tha ai.