Luftëtarët talebanë kanë hapur zjarr drejty një turme në në panik, në të cilën shiheshin nëna dhe baballarë që mbulonin fëmijët e tyre që klithnin. Kjo ishte pamja në aeroportin e Kabulit. Video shokuese kanë qarkulluar në të cilat shiheshin talebanë që qëllonin në ajër dhe më pas edhe drejt turmave, ndërsa përpjekjet e dëshpëruara për tu arratisur nga regjimi i ri i terrorit vazhdojnë. Një video tregon një turmë njerëzish të mbledhur rreth personave me veshje kamuflazhi, që raportohet të jenë talebanë, para se të shtënat të nisin. Më pas të shtënat dëgjohen dhe personat e armatosur përpiqen të shpërndajnë turmën ndërsa familjarët duke ulëritur vrapojnë për të shpëtuar jetët. Një grua madje mund të shihet teksa mbulon dy vajzat e saj që qajnë, ndërsa disa militantë i drejtojnë armët turmës. Një tjetër video tregon me qindra njerëz që kacavirren të dëshpëruar mbi kangjella në aeroport. Të tjera imazhe tregonin foshnja dhe fëmijë që u dorëzoheshin ushtarëve në pikat e kontrollit të sigurisë në aeroport, në një përpjekje të dëshpëruar për ti nxjerrë ata jashtë kabulit. Shumë prindër druajnë për të ardhmen e fëmijëve të tyre nëse ata do të jetojnë në regjimin e ri taleban. E kjo është më e fundit, në një seri skenash drithëruese nga ditët e kaosit në aeroportin e Kabulit, ndërsa afganë të dëshpëruar përpiqen të largohen dhe vendet perëndimore kërkojnë të evakuojnë qytetarët e tyre.