Pasi Kuvendi i Maqedonisë së Veriut i dha dritë jeshile popozimit frances, duke e votuar atë me 68 vota pro, asnjë kundër dhe asnjë abstenim, të menjëhershme kanë qenë reagimet nga politika shqiptpare. Presidenti I republikës Ilir Meta teksa uuron shtetarët e Maqedonisë së Veriut për vendimin e marrë, vlerëson rolin e poolitikës shqiptare atje. Meta ndër të tjera ndalet edhe tek politika në Shqipëri. “Vendimi i Këshillit Europian që do të merret pas disa ditësh duhet të kthjellojë mirë çdo vendimmarës këtu për përgjegjësitë që ka në ndjekjen e politikave që Shqipërinë e bëjnë më europiane, më demokratike dhe më shpresëdhënëse”, shprehet kreu I shtetit. I menjëhershëm ishte edhe reagimi I kryeministrit Rama, I cili shkruan se pengmarrja mori fund, teksa nuk lë pa thumbuar as edhe kundërshtarët në politikë. “U deshën plot 3 vite të stërmundimshme nga vendimmarrja e Këshillit Europian për t'i hapur rrugë negociatave, që vargmali i pengesave artificiale të ngritura përpara Shqipërisë të rrafshohet tërësisht. 3 vite të tëra top futbolli nëpër fushat e interesave të politikës së brendshme të vendeve anëtare - pa harruar edhe xhagajdurët e mëmëdheut, grata e non grata, që tërë këto vite nuk i lanë dy gurë bashkë, për ta bllokuar Shqipërinë për llogari të interesave mizerabël të politikës së tyre pa fe, pa atdhe, pa din e as iman.”, shprehet Rama. Ndërkohë kryedemokrati Sali Berisha, I cili bën përgjegjëse qeverinë socialiste, që sipas tij u bë pengesë për 5 vite për çeljen e negociatave, para vetos bullgare. Për numrin një të selisë blu Shqipëria ka probleme të mëdha me standardet, kushtet dhe kriteret e BE. Ai thekson se Partia DEmokratike do të punojë çdo ditë për plotësimin e kushteve dhe hapjen e kapitujve drejt integrimit. Ndërkohë krahas Berishës, ka reguar edhe Enkelejd Alibeaj, I cili ka një qëndrim të njëjtë me atë të kryedemokratit Berisha, duke bërë përgjegjëse qeverinë për krimin por edhe atë që e konsideron si dështim në 9 vite në drejtim të integrimit.