Grupi I Talo Celës ku bënin pjesë të Penduarit e Drejtësisë, Nuredin Dumani, Henrik Hoxhaj dhe Klevis Alla, ndër të tjera akuzohen edhe për 2 vrasje me 4 viktima të vitit 2020. Mbrëmjen e 2 Marsit rreth orës 18:55 minuta në lagjen nr. 14, në Nishtulla në qytetin bregdetar të Durrësit, në rrugën afër tregut të perimeve, vriten 2 të rinjtë Anxhelo Avdia dhe Dorjan Shkoza. 35 vjeçari Dorjan Shkoza, ishte një person me precedent të mëparshëm penal dhe i dënuar më herët me 8 vite burg për drogë dhe i liruar nga qelia në 2010-ën. Mësohet se 35 vjeçari kishte në pronësi edhe një pikë servisi makinash në zonën ku ndodhi dhe ngjarja, e pikërisht ai ishte dhe objektiv I atentatit në fjalë, referuar dëshmive të vrasësve.