Rusia kishte hartuar një plan për vrasjen e bosit të kompanisë gjermane të armëve që ka furnizuar Ukrainën, por plani dështoi kur SHBA mësoi detajet. Në fillim të këtij viti, inteligjenca amerikane zbuloi planet e Rusisë për të vrarë presidentin e Rheinmetall, Armin Papperger, në një akt hakmarrjeje për shkak të mbështetjes së tij për Ukrainën. Kompania Rheinmetall, me seli në dyseldorf, ka prodhuar predha artilerie dhe automjete ushtarake për Ukrainën, siç raportohet nga CNN, që citoi pesë zyrtarë të paidentifikuar amerikanë dhe perëndimorë si burime. Ata thanë se komploti për të vrarë Papperger ishte vetëm një nga një seri planesh të qeverisë ruse për të goditur perëndimin, me Vladimir Putinin që kishte planifikuar të ekzekutonte disa drejtues të industrisë së mbrojtjes në të gjithë Evropën që ishin pro ukrainës. Më pas, SHBA kishte informuar gjermaninë për planet dhe shërbimet e sigurisë e kishin vënë nën mbrojtje Papperger.