Forcat ruse vazhdojnë të bombardojnë zonat e banuara në Kharkiv, qytetin e dytë më të madh të Ukrainës, cdo ditë. Bombardimet e kanë kthyer qytetin në një rrënojë masive dhe thuajse të gjithë banorët janë larguar. Por, gjatë natës, versioni ukrainas i trupave speciale RAID apo i atyre franceze GIGN, patrullon nëpër rrugët e qytetit, në shtetrrethim. Detyra e parë, është kontrolli në një pikë karburanti që ka marrë flakë, në zonën e Saltivkas, pasi është goditur nga një raketë...Kjo ndiqet nga disa ndalime dhe kërkime ndërsa njerëzit guxojnë të thyejnë shtetrrethimin strikt. Kharkivi është thuajse zbrazur nga një e treta e 1.5 milionë banorëve të tij sipas autoriteteve, vecanërisht në rajonet e tij veriore apo verilindore, që edhe janë më të ekspozuara ndaj artilerisë ruse, e kjo është zona e zakonshme e operacionit për ‘Spetsnatz’-at ukrainas, këtë natë, ndjekur nga kamerat e agjencisë franceze të lajmeve, AFP.