Dy persona janë arrestuar nga policia e Korçës të mërkurën pasi u kapën në flagrancë me kanabis me vete në një makinë të tipit 'Land Rover'. Të arrestuarit janë identifikuar si Neli Demçe, 21 vjeç dhe Elis Kambo, 36 vjeç dhe mbi ta rëndon akuza e ‘shpërndarjes së lëndëve narkotike’ dhe ‘mbajtja e armëve pa leje’. 21-vjeçari Neli Demçe u kap nga shërbimet e Policisë duke drejtuar makinën pa leje dhe pas kontrollit iu gjet edhe një sasi kanabisi. Pasagjeri në makinë ishte 36-vjeçari Elis Kambo, i cili dyshohet se i kishte shitur lëndën narkotike të riut dhe për këtë u vu në pranga edhe ai. Për të shuar dyshimet edhe zbardhur ngjarjen, Policia e Korçës zhvilloi një kontroll në banesën e 36 vjeçarit, ku edhe u gjet një tjetër sasi droge dhe municion luftarak që u sekuestruan në cilësinë e provës materiale.