Autoritetet në Sidnei aktivizuan të enjten kurthe në përpjekje për të kapur një peshkaqen të bardhë, gjigand, që kafshoi për vdekje një notar ndërsa komunitetet bregdetare në qytetin më të madh të australisë u tronditën nga i pari sulm i tillë në dekada. Dronët po monitorojnë oqeanin nga ajri, vrojtuesit janë nisur me barka dhe gjashtë rrjeta gjigante janë hapur në përpjekje për të kapur krijesën që besohet se është të paktën tre metra e gjatë. Policia beson se ka identifikuar viktimën, një notar 35 vjecar që u sulmua pasditen e të mërkurës, duke lënë të shokuar peshkatarët dhe plazhistët që shihnin nga bregu pa mundur të bënin asgjë. Një helikopter shpëtimi dhe katër ambulanca mbërritën në vendngjarje por notari nuk mundi të mbijetonte pas atyre që skuadrat e ndihmës së shpejtë i cilësuan si plagë katastrofike. Ishte ky sulmi i parë vdekjeprurës në Sidnei që nga 1963.