Zamir Halili është vënë në prangat e policisë në qytetin e Elbasanit, si rezultat i operacionit policor të koduar “Operacionalja 47”. Ai ishte shpallur në kërkim ndërkombëtar nga autoritetet italiane, për vepra penale të rënda kundër personit dhe marrëdhënie seksuae me dhunë. Halili është dënuar në vitin 2014 nga Gjykata e Sienës në Itali, me 7 vjet burgim, për plagosje, dhunë në familje dhe marrëdhënie seksuale me dhunë. Nga ky dënim, atij i mbeten për të vuajtur edhe rreth 6 vjet e 9 muaj. Kapja e 50-vjeçarit u bë e mundur falë bashkëpunimit të ngushtë dhe shkëmbimit të shpejtë të informacioneve mes Policisë shqiptare dhe partnerëve italianë, përmes shërbimeve të Interpol Tiranës. Aktualisht, po bashkëpunohet me Interpol Romën për përfundimin e procedurave të ekstradimit të tij drejt Italisë.