Një 83 vjeçar nga fshati Krrabë e Vogël në Elbasan është shballur në kërkim pasi akuzohet për kultivim të kanabis sativa. Së bashku me të moshuarin është shpallur në kërkim edhe një 30 vjeçar. Ndërkaq në pranga kanë rënë Mevlan Balla 32 vjeç, Dashamir Balla 39 vjeç dhe Frederik Gaçi 47 vjeç. Të pesë qytetarët janë nën hetim tashmë nga polici e Elbasanit pasi kanë tentuar të kultivojnë fidanë cannabis sativa në një zonë të pyllëzuar në fshatin Krrabë e Vogël. Gjatë kontrollit të ushtruar nga shërbimet e Policisë në banesën e 30 vjeçarit të shpallur në kërkim janë gjetur dhe sekuestruar në cilësinë e provës materiale 26 fishekë dhe fara kanabisi. Kjo është periudha kur kultivimi i kanabisit është në lulëzim të plotë, ndaj aksionet e policisë në territor janë më të shtuara gjatë kësaj kohe, sidomos në zona që njihen për mbjelljen e bimëve narkotike.